एटीएम कार्ड कॉपी करून फसवणूक, एकास पकडले
लालबा गोणेकर
बिलोली दि.२७ : बिलोली येथील एसबीआय बँकेच्या एटीएम केंद्रावर एटीएम कार्ड कॉपी करून फसवणूक करताना पोलिसांनी आरोपीला पकडले. ही घटना २४ डिसेंबर रोजी घडली. बिलोली येथे यातील नमूद आरोपींनी संगनमत करून त्यांच्याकडे असलेल्या स्वाइप मशीनच्या साहाय्याने एटीएम मशीनमध्ये येणाऱ्या लोकांचे कार्ड घेऊन त्यांच्याकडील मशीनमध्ये स्वाइप करून एटीएम कार्ड कॉपी करण्याची तयारी करत असताना सापडले. याप्रकरणी एसबीआय बँकेचा सुरक्षा रक्षक अमोल भेदेकर यांच्या फिर्यादीवरून बिलोली पोलिस ठाण्यात गुन्हा दाखल झाला.
